Sastra Jawa

KAWULA SANTRI

Kawula santri kang wedi pati

Enget hisabing siksa Ilahi

Siksa tan kena sirna

Selagi tirahan cemenging dosa

Taksih nyingepi alaning jiwa

Nanging kawula santri

Tetepa munkar kang den tindakna

Kemaksiatan dadi nyampingan

Nafsu angkara kang nguru-ara

Sedaya obahing jiwa raga

Kawula santri

Pengena dadi tuladha

Tumraping kawulaning Gusti

Tuladhan kang wicaksana

Njunjung adab lan wirangi

Nanging kawula santri

Lelakon becik tansah dituladhani

Malah kepara tan bisa bedakna

Opo iku siksa utawa coba

Opo iku nafsu utawa panulunging Ratu

Pancen kawula santri

Manungsa ina

Kang namung bisa nyupena

sastra jawa

Jaman yang semakin menakutkan. Entah hanya aku yang merasakan, atau kalian juga merasakan. Ketika berbuat kebajikan sangatlah susah, tak bisa bedakan putih dan hitam. Seakan semua buram. Nyawa pun seakan tiada berharga. Semoga saja kita selalu dibawah naungan-Nya. Amiieen..


 Syi'ir KALATHIDA
(Terinspirasi oleh Serat Kalatidha)

Oleh: Muhammad Nasir

Amenangi kala tidha

Urip tan saya rekasa

Ewuh aya ing pambudi

Amar ma'ruf den wawali

Kawuryan wus sunya ruri

Karana tanpa palupi

Kamungkaran mubal nggeni

Mbrentek amratani bumi

Manungsa wus padha wuta

Sebab gumebyaring dunya

Tan enget maring Hyang Widdhi

Gusti Alloh kang Pinuji

Raja lumrahe jubriya

Ngumbar swara tanpa nyata

Pandhita mung edi sabdane

Tan selaras marang patrape

Sukma tiyang tan karega

Rah angelebi buwana

Amarga cemenging ati

Kasingep kebuling iri

Yo dulur jaga-jinaga

Karukunan maring tangga

Aja malah dho dak siya

Gusti Alloh tansah prisa

Aluamah dipun reksa

Jo nganti dhawah ing nista

Mundak dadi wong duraka

Kang panggone ing neraka

Ilahana Ya Robbana

Ajiz lana 'athoana

Waghfir lana dzunubana

Wasyroh lana shudurona